|
|
| |
| Le mie poesie |
| |
|
|
|
|
| |
|
Siè strade che se perde par la Bassa:
via Pontecchio, Arre e Casette,
più via Fossalta levà e Terrassa,
le gira in mezo campi on poco strette.
Le se cata incrosà in provinciale
a metà tra Bagnoli e Cartura
par fare on centro miga tanto male
de zente genuina par natura.
Su verte de formento e formentòn,
se destira come na matrona
tra vigne de Friularo e de Grinton
e i monti in fondo, par corona.
Sto paese xe sta ciamà Conselve,
colgà su na terra generosa
borgo antico, nato tra le selve.
De ville venessiane somenà,
ma on tempo, e fin a qualche anno fa,
fatto de case vece dirocà
Ancò Conselve xe tutta nova,
al Palù s’à piantà l’industria,
contadini, in pochi se ritrova.
Paese de zente che s’inzegna,
on pra’ grando, in centro pal marcà
contrà e piasse all’ombra de na cesa
e bei campi intorno, spampanà.
Par mi e par tutta la so zente
Conselve xe el mejo che ghe sia,
persone che se vol ben co gnente,
cussì a sto mondo se dovarìa.
|
|
|
Mario BERTO |
|
|
| |
|
Contatti
Links