Dissembre xe rivà, on mese freddo,
ma che da sempre a tutti scalda el core
col Nadae, la festa che mi credo
fa sperare ch’el mondo sia migliore.

Ne parla dell’Avvento del Signore,
in casa el presepio se prepara,
al ventisinque nasse el Redentore
che ne porta la pace, merce rara.

Na volta, tuti intorno al fogolare
se scoltava le storie della nonna
che grandi e bocia faxea sognare
contando de Giuseppe e la Madonna.

Che a Betlemme xe nato il Bambinello
e na stella ai patori ga indicà
insieme agli angeli del cielo
dove el Buon Gesù jera indormessà.

Na verità che ancò pare fora moda
par via del consumismo e del folclore,
el mondo de tutto par ch’el goda,
ma poco della bontà e dell’amore.

Mario BERTO